نېمىشقا ئەتىيازدا ئۇيقۇ كېلىپلا تۇرىدۇ؟

  • A+
تەۋە سەھىپە:بىلىۋىلىڭ

 

نېمىشقا ئەتىيازدا ئۇيقۇ كېلىپلا تۇرىدۇ؟نېمىشقا ئەتىيازدا ئۇيقۇ كېلىپلا تۇرىدۇ؟
ھاۋا ئىسسىشقا باشلىۋىدى، نۇرغۇن ئادەم ئۇيقۇسىغا قانمايدىغان، ئىشقا كېچىكىدىغان، ماغدۇرى يوقتەك ھېس قىلىدىغان بولۇپ قالدى.
گەرچە ئەتىيازدا ئۇيقۇ باسىدىغانلىقى كەڭ تارالغان ساۋات بولسىمۇ لېكىن تىببى ساھەدە بۇنىڭغا قارىتا كەسپى سۆز يوق، لېكىن ئادەم بەدىنى نۇقتىسىدىن مۇلاھىزە قىلساق يەنىلا ئىلمىي چۈشەندۈرۈش تاپقىلى بولىدۇ.
نېمىشقا ئەتىيازدا ئۇيقۇ كېلىپلا تۇرىدۇ؟

نېمىشقا ئەتىيازدا ئۇيقۇ كېلىپلا تۇرىدۇ؟
ئادەم بەدىنىدە سائەتنىڭ رېتىمىغا ئوخشاپ كېتىدىغان يوشۇرۇن بىئولوگىيلىك سائەت بولىدۇ، ئۇ 24 سائەت دەۋرىي قىلىپ تۇرىدۇ، ئۇ نۇر ۋە قاراڭغۇلۇقنىڭ تەسىرىگە ئۇچرايدۇ، بەدەنگە قايسى ۋاقىتتا ئۇخلاپ، قايسى ۋاقىتتا تۇرسا بولىدىغانلىقى ھەققىدە ئاگاھلاندۇرۇش بېرىپ تۇرىدۇ.
بەدىنىمىزدە بىر «سائەتچى ئۇستام» بولۇپ ئۇ ئۇيقۇ ھورمونلىرىنى تەڭشەپ تۇرىدۇ، ئۇنىڭ ئىسمى ئۇيقۇ ھورمۇنى، يەنە بىر ئىسمى مېلاتونىن.
يەر شارىنىڭ ئايلىنىش قانۇنىيىتىگە ئاساسلانغاندا ئەتىياز پەسلىدە كۈندۈزى ئۇزىرايدۇ، كېچە قىسقىرايدۇ، مېلاتونىن دەپ ئاتىلىدىغان«سائەتچى ئۇستام» ئەتىياز پەسلى ھەر كۈنى بىئولوگىيىلىك سائەتنى تېزلىتىپ، بەدەننى پەسىلنىڭ ئۆزگىرىشىگە ماسلىشىشقا ئۈندەيدۇ.
لېكىن قىش بىلەن ئەتىياز پەسلى ئالمىشىدىغان مەزگىلدە تەبىئىي مۇھىتتا ئۆزگىرىش زور بولىدۇ، نۇرغۇن ئادەمنىڭ بەدىنى تەسرەك كۆنىدۇ، قىشتا كۈنبويى ئۆيدە ئولتۇرۇپ، ھەرىكەت ئاز شارائىتقا بەدەن كۆنۈپ قالىدۇ. دېمەك قىشتا نۇر بىلەن ئۇچرىشىدىغان ۋاقىتمۇ ئاز، بۇنداق بولۇشى مېلاتونىننىڭ نورمال ئاجىرىلىپ چىقىشىغا تەسىر كۆرسىتىپ، بىئولوگىيىلىك سائەتنى ئاستىلىتىۋېتىدۇ.
شۇنىڭ بىلەن بەدەننىڭ ئىچى ۋە سىرتىدا بىردەكسىزلىك كۆرۈلىدۇ، ئۇيقۇ سۈپىتى تۆۋەنلەپ كېتىدۇ، ئۇيقۇ يېتەرلىك بولماي مەلۇم بىر ۋاقىتقا بارغاندا بىيولوگىيلىك سائەتنىڭ «قوڭغۇراقلىق سائىتى» نىڭ ئۈنۈمى بولماي قالىدۇ. بەزىدە ھەتتا «ئاپتوماتىك ئىتىلىپ» قېلىشى مۇمكىن. سەھەردە ئويغىنالماسلىق، كۈندۈزى روھسىز يۈرۈش ئادەتكە ئايلىنىپ قالىدۇ، بۇ دەل بىز دېگەن «ئەتىيازدا ئۇيقۇ تۇتۇش» شۇ.
شۇڭا ئومۇملاشتۇرغاندا «ئەتىيازدا ئۇيقۇ تۇتۇش»تەبىئەتنىڭ ئۆزگىرىشى بىلەن بەدەننىڭ ئۆزگىرىشى ماسلاشماسلىقتىن كېلىپ چىققان.
ئاپتاپ پارلاپ تۇرغان ئەتىياز مەزگىلىدە ئۇيقۇ تۇتۇپ كۆزىڭىزنى ئاچالماي قالغان بولسىڭىز خەت ئۇرۇۋاتقاندا، يېغىن ئاچقاندا مۈگدەپ قالسىڭىز، ھەتتا تۇرۇپمۇ ئۇخلاپ قالسىڭىز...بۇ ئىشتا سىزدىن ئاغرىنغىلى بولمايدۇ.
قانداق قىلغاندا ئەتىيازدا ئۇيقۇ تۇتۇش مەسىلىسىنى يېنىكلەتكىلى بولىدۇ؟
بۇنداق مۈگدەك بېسىپلا تۇرىدىغان ھالەتتىن قۇتۇلۇش ئۈچۈن بەزىلەر ھەتتا مېلاتونىنغا ئالاقىدار ساقلىقنى ساقلاش مەھسۇلاتلىرىنى ئېلىپ ئىچىپ، ئۇيقۇنى ياخشىلىماقچى بولىدۇ.
بۇنى بىز تەۋسىيە قىلمايمىز، بىز بۇ يەردە بىرقانچە كىچىك تەكلىپلەرنى بېرىمىز، بۇ ئارقىلىق سىزنىڭ ئەتىيازلىق ئۇيقۇ تۇتۇش مەسىلىڭىز ھەل بولۇپ قالسا ئەجەپ ئەمەس.

1. يۇقىرى سۈپەتلىك ئۇخلاش مۇھىتى ھازىرلاش
يېتەرلىك قاراڭغۇلۇق، يېتەرلىك تىنىچ مۇھىتنىڭ مېلاتونىننىڭ ئاجىرىلىپ چىقىشىغا پايدىسى بار، شۇڭا پەردىنى تارتىۋېتىپ، پەردىنى چىڭ يېپىپ، كۆز ماسكىسى ۋە قۇلاق پاختىسى ئىشلىتىپ ئۇخلىغاننىڭمۇ پايدىسى بولىدۇ.

2. ئاپتاپقا قاقلىنىش ۋاقتىنى كۆپەيتىش
كۈندۈزى سىرىتقا چىقىپ ئاپتاپقا قاقلىنىپ بېرىش ئارقىلىق بىئولوگىيىلىك سائەتنىڭ پەسلىگە ماسلىشىشىنى ئىلگىرى سۈرگىلى بولىدۇ.

3. كۈندۈزلۈك ھەرىكەت مىقدارىنى ئاشۇرۇش
ئەتىيازدا بىئولوگىيىلىك سائەتنى ئۈنۈملۈك تەڭشىمەكچى بولسىڭىز كۈندۈزى كۆپرەك ھەرىكەت قىلىپ بەرسىڭىز بىئولوگىيىلىك سائەتنىڭ قايتىدىن تەرتىپلىنىشىگە پايدىسى بار. مەسىلەن ئادەتتە خىزمىتىڭىز بەك ئالدىراش بولسا ھەپتە ئاخىرىدا ھەرىكەت قىلىپ بېرىشىڭىزنى تەۋسىيە قىلىمىز، ئۈنۈمى ياخشى بولىدۇ.
ئۇخلاشتىن بۇرۇن بەك قاتتىق ھەرىكەت قىلىشتىن ساقلىنىڭ.

4. چۈشلۈك ئۇيقۇ بىلەن ئۇيقۇڭىزنى تولۇقلاڭ
كېچىلىك ئۇيقۇغا قانمىغان بولسىڭىز چۈشلۈك ئۇيقۇ ئەڭ ياخشى تولۇقلاش بولىدۇ. لېكىن بەك ئۇزۇن ئۇخلىۋەتمەڭ، 10-20 مىنۇت ئۇخلىسىڭىزبولدى، ۋاقىت بەك ئۇزىراپ كەتسە ئوخشاشلا ھارغىن بولۇپ قالىسىز

5. ئۇخلاشتىن بۇرۇن يانفۇننى قويۇپ قويۇڭ
مېلاتونىننىڭ ئاجىرلىپ چىقىشى يورۇقلۇق بىلەن مۇناسىۋەتلىك دېدۇق، شۇڭا كېچىدىمۇ سۈنئىي نۇر بىلەن ئۇچرىشىپ تۇرسىڭىز ئۇنداقتا مېلاتونىنغا تەسىر كۆرسىتىدۇ.
شۇڭا ياخشى ئۇخلاش ئۈچۈن نۇر بىلەن ئازراق ئۇچرىشىڭ، ئۇخلاشتىن بۇرۇن يانفۇن قاتارلىق ئېلىكتىرونلۇق ئۈسكۈنىلەر بىلەن ھەپىلەشكەندە بىئولوگىيلىك سائىتىڭىز ئېغىر تەسىرگە ئۇچرايدۇ.
بۇلارنى ئوقۇپ بولغاندىن كېيىن يانفۇننى قويۇپ ئازراق ئۇخلىۋالغۇڭىز كېلىۋاتامدۇ؟

ئىنكاس يىزىش

:?: :razz: :sad: :evil: :!: :smile: :oops: :grin: :eek: :shock: :???: :cool: :lol: :mad: :twisted: :roll: :wink: :idea: :arrow: :neutral: :cry: :mrgreen: