بالىلار ساغلاملىقى

بالىلار ياڭاق يېسە مېڭىنى راستىنىلا قۇۋەتلىگىلى بولامدۇ؟

 

0408102426555000000000000153

بالىلار ياڭاق يېسە مېڭىنى راستىنىلا قۇۋەتلىگىلى بولامدۇ؟

مۇتەخەسسىسلەر مۇنداق جاۋاب بەردى: ياڭاق بىز كۈندىلىك تۇرمۇشتا دائىم ئىستېمال قىلىدىغان بىر خىل قاتتىق پوستلۇق مېۋە بولۇپ، ئوزۇقلۇق تەركىبى مول، ياڭاق مېغىزى تەركىبىدە B تۈردىكى ۋىتامىنلار، فوسفاتىد، پولىفېنول تۈرىدىكى ماددىلار ۋە مول كالىي، كالتسىي، سىنك، تۆمۈر قاتارلىق مىنېرال ماددىلار كۆپ.

100 گىرام ياڭاقنىڭ تەركىبىدە تەخمىنەن 60 گىرام ياغ بولۇپ، ئۇنىڭ تەركىبىدىكى لىنولېئىك كىسلاتا مول، لىنولېئىك كىسلاتا ئادەم بەدىنىدە ئۆزلۈكىدىن بىرىكەلمەيدۇ، ئۇنى چوقۇم يېمەكلىك بىلەن تولۇقلاش كېرەك، ئۇ ئادەم بەدىنىدىكى زۆرۈر ياغ كىسلاتاسىدۇر. لىنولېن كىسلاتاسى چوڭ مېڭە ۋە كۆرۈش سېزىمى ئىقتىدارىنىڭ يېتىلىشىدە مۇھىم رول ئوينايدۇ. ئادەم بەدىنىدە ئۇزۇن مۇددەت لىنولېن كىسلاتاسى كەمچىل بولسا، دىققەتنى تەڭشەش ۋە بىلىش جەريانىغا ناچار تەسىر كۆرسىتىدۇ.

ياڭاق ئادەم بەدىنىدىكى لىنولېن كىسلاتاسىنىڭ ياخشى مەنبەسى، مۇۋاپىق مىقداردا ئىستېمال قىلغاندا (ھەر كۈنى ئىككى تال) ئادەم بەدىنىنىڭ لىنولېن كىسلاتاسىغا بولغان ئېھتىياجىنى قاندۇرۇپ، مېڭىنى ساغلاملاشتۇرىدۇ، ئۇنىڭدىن باشقا، قارىغاي ئۇرۇقى، زىغىر ئۇرۇقى مېيى، دادۇر مېيى، رەيھان مېيى، زاغۇن مېيىدىمۇ لىنولېن كىسلاتاسى كۆپرەك بولۇپ، مۇۋاپىق تاللاشقا بولىدۇ.

سەمىمىي ئەسكەرتىش:

ياڭاق، قارىغاي ئۇرۇقى، خاسىڭ، ئۆرۈك مېغىزى قاتارلىق قاتتىق پوستلۇق مېۋىلەرنىڭ ھەممىسى پايدىلىق، لېكىن شۇنىڭ بىلەن بىر ۋاقىتتا ماي تەركىبى بەك يۇقىرى بولۇپ، ھەر ھەپتىدە 50 ~ 70 گىرام (ئوتتۇرا ھېساب بىلەن ھەر كۈنى 10 گىرام ئەتراپىدا) يېيىشنى تەۋسىيە قىلىمىز، ئەگەر قوبۇل قىلىش مىقدارى بەك كۆپ بولۇپ كەتسە، ئۈچ ۋاق تاماقنىڭ ئومۇمىي ئېنېرگىيەسىنى مۇۋاپىق ئازايتىش كېرەك.


نۇر تورىدىن ئېلىندى!

bilimnur

تەن ساقلىق، زور بايلىق. ساغلام تەندە ساپ ئەقىل

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

ئۈستىگە قايتىش كۇنۇپكىسى