ساغلاملىق بىلىملىرى

يول مېڭىشتا چىڭ تۇرۇش ئارقىلىق قان تومۇرنى قوغدىغىلى بولامدۇ؟

 

ياشنىڭ چوڭىيىشىغا ئەگىشىپ ياشانغانلارنىڭ بەدەن ئىقتىدارى تەدرىجىي چېكىنىدۇ، ئۇنىڭ ئۈستىگە ياش ۋاقتىدا يېتىلدۈرگەن ناچار ئادەتلەر ئاسانلا بەزى كېسەللىكلەرنى كەلتۈرۈپ چىقىرىدۇ. ئۈچ يۇقىرى مەسىلىسى ھازىرقى زامان ياشانغانلىرىدا دائىم كۆرۈلىدىغان كېسەللىك بولۇپ، نۇرغۇن ياشانغانلار 50 ياشقا كىرگەندىن كېيىن تەدرىجىي ھالدا يۇقىرى قان بېسىم، قاندا ماي كۆپىيىش ياكى قان قەنتى يۇقىرىلاش قاتارلىق كېسەللىكلەرگە گىرىپتار بولىدۇ.

بەزىلەر ياشانغانلار يول مېڭىشتا چىڭ تۇرسا، قان تومۇرنى قوغداشقا ياردىمى بولىدۇ دەيدۇ، راستمۇ؟ ھەرقېتىم قانچىلىك مېڭىش كېرەك؟

080418124150800003902454

تەتقىقاتلاردىن مەلۇم بولۇشىچە، مۇۋاپىق تۈردە پىيادە مېڭىشنىڭ يۈرەك، مېڭە قان تومۇر كېسەللىكلىرىگە گىرىپتار بولۇش نىسبىتىنى تۆۋەنلەتكىلى بولىدىغانلىقى، شۇنداقلا قان تومۇرلارنى قوغداش مەقسىتىگە يەتكىلى بولىدىغانلىقى ئىسپاتلاندى.

تۈرلۈك تەتقىقاتلاردىن قارىغاندا، ياشانغانلار ھەر كۈنى يول ماڭسا، قان تومۇرلارنى قوغداپ، يۈرەك قان تومۇر كېسەللىكلىرىنى ياخشىلاشقا ۋە بۇ كېسەللىككە گىرىپتار بولۇش خەۋپىنى تۆۋەنلىتىشكە ياردەم بېرىدىكەن، ئۆلۈش نىسبىتىمۇ تۆۋەنلەيدىكەن. لېكىن زادى قانداق ماڭىدۇ؟ قانچىلىك ماڭىدۇ؟ بۇنى ئېنىق ئايدىڭلاشتۇرۇۋېلىش كېرەك.

080418130384100003902454

«ئۈچ، بەش، يەتتە» پىرىنسىپى دېگەن نېمە؟

ياشانغانلار يول مېڭىپ قان تومۇرنى قوغداشنى قارار قىلغاندىن كېيىن بۇ پىرىنسىپقا ئەمەل قىلىشى كېرەك، شۇنداق قىلغاندىلا، ئاسانلىقچە مەسىلە چىقمايدۇ، چېنىقىش ئۈنۈمىمۇ بىرقەدەر ياخشى بولىدۇ.

ئۈچ: ھەر قېتىم پىيادە ماڭغان ۋاقىتنى كۆرسىتىدۇ، بۇ نۇقتىغا سەل قاراشقا بولمايدۇ، ھەرقېتىملىق ھەرىكەت ۋاقتى ئاز دېگەندە 30 مىنۇتقا يەتكەندە بىر قېتىم دەم ئېلىش كېرەك. قالغىنىنى ئۆزىنىڭ سالامەتلىك ئەھۋالىغا ئاساسەن، قېتىمغا بۆلۈپ ئۆلچەمگە يېتىش ياكى ۋاقىتنى تەدرىجىي كۆپەيتىش كېرەك. ھەرقېتىملىق يول مېڭىش ۋاقتىنى 30-60 مىنۇتتا كونترول قىلىپ، بەدەننىڭ راھەتلىكىنى ئاساس قىلىش كېرەك.

بەش: ھەر ھەپتىدىكى ھەرىكەت قېتىم سانىنى كۆرسىتىدۇ. ھەر ھەپتىدە بەش قېتىم ئەتراپىدا ھەرىكەت قىلسا، ياخشى ئۈنۈمگە ئېرىشەلەيدۇ.

يەتتە: ھەرىكەت قىلغاندىن كېيىنكى يۈرەك رېتىمى. بۇ كۆرسەتكۈچ ياشانغانلارغا نىسبەتەن بىرقەدەر مۇھىم بولۇپ، سالامەتلىككە بولغان تەسىرى ئىنتايىن چوڭ. ھەرىكەت قىلغاندىن كېيىنكى يۈرەك رېتىمى 170 ئەتراپىدا بولسا مۇۋاپىق بولىدۇ.

0805101430366000000000000153

يۇقارقى پىرىنسىپقا دىققەت قىلغاندىن باشقا، يەنە تۆۋەندىكىلەرنى ئەستە چىڭ تۇتۇش كېرەك:

1. يول مېڭىشنىڭ ئالدى-كەينىدە بەدەن قىزىتىش ھەرىكىتى كەم بولسا بولمايدۇ، شۇنداق قىلغاندىلا، بەدەن زەخىملىنىشنى ئازايتىپ، ھەرىكەت قىلغاندا تېخىمۇ بىخەتەر بولىدۇ.

2. يول مېڭىش قىياپىتى، يول مېڭىش ئورنىنىڭ توغرا، مۇۋاپىق بولۇشىغا كاپالەتلىك قىلىش كېرەك.

3. بەزى كىشىلەر پىيادە مېڭىشقا ماس كەلمەيدۇ، مەسىلەن: سۆڭەك كېسىلى، دىيابېت كېسىلى بارلار، تېنى ئاجىزلار.

4. يول مېڭىشتا چىڭ تۇرۇش بىلەن بىر ۋاقىتتا، ساغلام تۇرمۇش ئۇسۇلىنى يېتىلدۈرۈش، سالامەتلىكىنى قەرەللىك تەكشۈرتۈش كېرەك.


نۇر تورىدىن ئېلىندى!

bilimnur

تەن ساقلىق، زور بايلىق. ساغلام تەندە ساپ ئەقىل

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

ئۈستىگە قايتىش كۇنۇپكىسى